Dongan Magodang
Molo huingot atia sikola
Di bale-bale Anda ikut campur.
Marcarito sanga jadi aha.
Marsiarsakan dohot martata.
Hupiltik gitar, hamu marende.
Endettaon bulung botik.
Sakong cuka padao arsak.
Dung tenggen suman marpege pege.
Molo malean, manakko manuk.
Tardapot rap mandangdangi.
Dainang ta pe ro mamotuk.
Hita marsiliginan rap mikim be.
Dao sian ipol ni mata.
Hape taraso hita na marsarak.
Ilu ni mata namarsaburan.
Taringot sude paruttungan
Siabu tu Sigalangan.
Siambirang tu Angkola Julu.
Siamun da dongan marsijalangan.
Siambirang baya pangapus ilu.
Marsarak di Dano Tao
Gogo ni ari, torang ni bulan.
Na paboahon di ari parsarakan.
Na mandok putus namar dongan.
Bahaso hita inda sahata saoloan.
Madung huboto sian na joloan.
Hita nadua songon tor dohot rura.
Donok marsitatapan.
Tai tangis di bagasan roha.
Hujagit surat nadi lehenmu.
Napaboahon nagiot marbagas.
Bia dope hubaen satolap gogoku.
Au halak napogos boti nasuada.
O, anggi boru Harahap!
Boru na kayo boti namalim.
Ilu ni mata namarsaburan.
Mangingot janji nadung solpu.
.
Dung dilakkahon simanjojakmu.
Nadung salpu ulang diingot.
Holongi si doli pangoli.
Songon najolo dihaholongi ho au.
Pangomo Nihalak
Madung tarida amang, bohi nasora loja.
Ngolu-ngolu hosa, lakka-lakka tombom.
Manombo borngin nada giot modom
Mangarimangi hamu amang namarsikola.
Mamakkur au amang di saba ni halak.
Goreng pisang sada dilehen dongan.
Sasargut dipangan, sambola nai di hadangan.
I ma hulehen di anakku haholongan.
O ale amang nadua tolu.
Gogo ni tondi tondikku.
Di manyogot ni ari.
Hududa amang simarata.
Hututung harasak .
Pio-pio au sian parapian
Namandok: “Ucok! Ngot bo hamu le”
“Madung jom saratus, adope!”
“Maridi bo hamu, anso kehe tu sikola!”
Saulakon gabe ma hamu jadi jolma.
Ingot ma hamu marsipoda.
Ulang gabe songon au.
Nador mamakkur saba ni halak
Sian sannari tu pudi ni ari.
Mattakkon nada be tarbuka.
Madung sursur tano parsidegean.
Masopak hayu parsigoloman.
Roma angin naso hadindingan.
Lojakki amang, balos dohot doa!
Am Rambe lahir sebagai Ahmad Mora Rambe. Alumni STKIP Tapanuli Selatan ini tinggal di Kabupaten Padanglawas Utara.
Posting Komentar